Pakkadílar

Ai2 Startpakkinn – Sveigjanlegt og einfalt fyrir daglega notkun

Af hverju velja AI2 kerfið?
AI2 kerfið (All-in-Two) sameinar vatnsheldar skeljar og rakadræg innlegg sem auðvelt er að skipta út. Það er einfalt, hagkvæmt og umhverfisvænt – fullkomið fyrir fjölskyldur sem vilja auðvelda fjölnota lausn þegar kemur að taubleyjum. Cocobutts blautpoki með tveimur hólfum fylgir frítt með þessum pakka. 

Helstu kostir AI2 kerfisins:

• Færri skeljar: Þú þarft aðeins 2-3 skeljar fyrir daginn og getur notað þær aftur og aftur með nýjum innleggjum. 
• Minni þvottur: Skeljarnar þværðu aðeins þegar þær verða óhreinar eða illa lyktandi, en innleggin þværðu eftir hverja notkun.
• Snap-in-One kerfi: Mörg innlegg eru með smellum sem tryggja að þau haldist á sínum stað í skeljunum.
• Sveigjanleiki: Þú getur blandað saman innleggjum, eftir þörfum fjölskyldunnar.
• Hagkvæmt og einfalt: Einfalt að skipta út innleggjum án þess að þvo skelina í hvert skipti.

Hvað er innifalið í Ai2 startpakkanum?

• 3-5 bleyjuskeljar að eigin vali sem henta þínum þörfum og barni þínu.
• 10-15 innlegg að eigin vali á 20% afslætti 
• 1 eða fleiri aukahlutir eða ullarumhirðuvörur að eigin vali á 20% afslætti
• KAUPAUKI - 1 Cocobutts blautpoki með tveimur hólfum 

Skeljarnar sem þú getur valið úr:

Flexicover frá Bare and Boho

• Létt, vatnsheld og hönnuð fyrir snap-in innlegg.
• Úr endurunnum pólýester og hentar börnum frá fæðingu til 18 kg.
  

Cover All frá Elskbar

• Rúmbetri með breiðari flipum og teygjum fyrir betri mátun.
• Passar fyrir snap-in innlegg, flats eða preflats.
  
  

Ullarskeljar frá Pisi

• Tvö lög af GOTS- og OEKO-TEX vottaðri ull, með efnisborðum að innan sem halda innleggjum á sínum stað.
• Stærðir: 2 (6-16 kg), 3 (10-19 kg).
• Þarf lanolín meðferð fyrir vatnsheldni.

Ullarskeljar frá Puppi

• Snap-in-One skeljar úr ítalskri merino ull.
• Stærðir: OS (6-15 kg) og OS+ (9-18 kg).
• Þarf lanolín meðferð fyrir vatnsheldni.

Innleggin í boði:

Bambus innlegg frá Bare and Boho

• 5 lög af bambus-bómullarfleece með „stay-dry“ microfleece.
• Snap-in-One smellur halda innleggjunum á sínum stað.

Hemp innlegg frá Bare and Boho

• Lífræn hamp-bómullarblanda með snap-in-One smellum fyrir aukna stöðugleika.

Bústerar frá Bare and Boho

• Fyrir auka rakadrægni, auðvelt að nota með snap-in-One kerfum.

Bambus Trifold frá Bare and Boho

• Hægt að brjóta í þrennt, veitir mikla rakadrægni í þunnum pakka.

Prefold innlegg frá Elskbar

• Hægt að brjóta saman í 9-12 lög fyrir hámarks rakadrægni.
• Með snap-in smellum fyrir Cover All skeljarnar eða ullarskeljar.

Snákainnlegg og bústerar frá Elskbar

• Smellist í Cover All skeljar, hægt að laga rakadrægni með brotum.

Flatar bleyjur úr muslin frá Pisi

• Lífræn bómull, einföld í notkun og þorna hratt. Henta fyrir alla skeljar.
• Það þarf að loka flötum bleyjum með snappi eða nælum.

Fitted bleyjur frá Pisi

• Lífræn bómull með vasa fyrir auka rakadrægni.
• Henta vel undir ullarskeljar og veita framúrskarandi lekavörn.
• Fliparnir eru nógu breiðir til að sleppa snappi eða nælum en það má nota lokun með ef þú vilt að bleyjurnar haggist ekki.

Hvernig set ég saman minn pakka?

1. Veldu 3-5 skeljar að eigin vali.
2. Veldu 10-15 innlegg að eigin vali og fáðu 20% afslátt.
3. Veldu a.m.k. einn aukahlut og/eða ullarumhirðuvöru að eigin vali og fáðu 20% afslátt. Þú mátt velja eins marga aukahluti og þú vilt. 
4. Kláraðu kaupin og njóttu Ai2 kerfisins í botn!

AI2 startpakkinn – Sveigjanlegt kerfi fyrir einfalda, skilvirka og hagkvæma taubleyjunotkun.

Bare and Boho byrjendapakki

Þessi pakki frá Bare and Boho er sérpakki á 20% afslætti – tilvalið tækifæri fyrir þá sem vilja byrja með fjölnota bleyjur eða bæta við safnið sitt! Cocobutts blautpoki með tveimur hólfum fylgir með kaupum!

Bleyjukerfið frá Bare and Boho

Bleyjukerfið frá Bare and Boho er eitt það einfaldasta á markaðnum! Þú þarft bara að smella innlegginu í bleyjuskelina þína - og setja hana á barnið þitt. Bleyjuskeljarnar frá Bare and Boho hafa enga flókna eiginleika eða margra laga innlegg sem þarf að brjóta saman á ákveðinn hátt, sem gerir þetta kerfi hagnýtt fyrir alla sem annast barnið, þar á meðal dagforeldra, ömmur, afa og vini!

Stærðir

One Size bleyjuskeljarnar frá Bare and Boho eru hannaðar fyrir þyngdir 2,5 - 18 kg, eða frá fæðingu til koppaþjálfunar.

Pakkinn inniheldur:

• 5 skeljar þar sem hægt er að velja milli Flexi Cover eða Soft Cover, allt eftir því sem hentar þínu barni og þínum þörfum.
• 15 innlegg þar sem þú getur valið úr bambusinnleggjum, hampinnleggjum, bústrum eða trifold-innleggjum, þannig að þú færð fullkomið sett sem passar vel við þinn lífsstíl.

Bare and Boho er þekkt fyrir einstakt kerfi sem auðveldar fjölnota bleyjunotkun með fjölhæfum og þægilegu Ai2 bleyjukerfi fyrir foreldra og börn.

Gríptu tækifærið á þessum einstaka afslætti og njóttu sveigjanleika, þæginda og umhverfisvænnar lausnar sem virkar fyrir alla fjölskylduna!

Vörulýsing

Haltu barninu þínu þurru í 12+ tíma með einföldu riflásarkerfi. Næturkerfið frá Little Lamb er rakadrægt, dúnmjúkt og mjög einfalt til notkunar.

Afhverju næturbleyjur?

Börn eru yfirleitt lengur í næturbleyjunum, eða hátt upp í 12 tíma. Þær þurfa því að halda vel svo þær dugi nóttina. Fæstar dagbleyjur eru með slíka rakadrægni. Því mælum við með því að  fjölskyldur eigi næturbleyjur sem eru alltaf tilbúnar í slaginn fyrir nóttina. Enginn höfuðverkur og ekkert vesen um miðja nótt!

Frekari upplýsingar

Fitted bleyjur með riflás

Fitted bambus bleyjurnar frá Little Lamb fást í þremur mismunandi stærðum og eru  einstaklega rakadrægar. Sniðið á þeim er þægilegt til þess að vinna með og henta því næturvaktinni vel. 

Með hverri bleyju fylgir:
1x bambus búster (saumaður inn í fyrir stærð 2 og 3)
1x flísrenningur

Skeljar með riflás

Skeljarnar frá Little Lamb eru hannaðar til að passa fullkomlega utan um Fitted bleyjurnar frá sama merki en þær passa einnig vel yfir aðrar fitted bleyjur og prefolds.

Þar sem bæði fitted bleyjurnar og skeljarnar frá Little Lamb hafa teygjur við bak og læri þá heyra svokallaðar kúkasprengjur nánast sögunni til.

Skeljarnar koma í þremur stærðum og eru úr náttúrulega teygjanlegum bambus og mjúkofnu pólýefni. Í innanverðri bleyjunni er himna sem andar og hámarkar þannig loftflæði í gegnum efnið og heldur hitastiginu í lágmarki svo að barninu líði vel.

Skelin er einstaklega vel sniðin sem gerir það að verkum að hún heldur vætu og kúk þar sem það á að vera.

Eiginleikar

Notkunarleiðbeiningar

Efni

- Skeljarnar eru ofnæmisprófaðar og eiturefnalausar og falla undir ströngustu reglugerðir ReACH á vegum Evrópusambandsins um litarefni.
- Öll efnin sem notuð eru í skeljunum eru Oeko-tex Standard 100 vottuð.

Myndband

Um merkið

Little Lamb nappies er umhverfisvænt og vistvænt taubleyjumerki sem hefur verið á markaðnum í um 30 ár. Little Lamb framleiðir taubleyjur sem henta bæði dags- og nætur. Bambus fitted næturbleyjan er án efa þeirra vinsælasta vara.

Dagspakki fyrir fjölnota lífsstíl!

Grunnpakki Cocobutts er hugsaður sem fullkominn dagspakki af frábærum vasableyjum, og inniheldur nóg af bleyjum fyrir einn dag. Þessi pakki er tilvalinn fyrir þá sem vilja prófa taubleyjur í fyrsta sinn eða bæta við núverandi bleyjubirgðir.

Pakkinn inniheldur:

• 4x AWJ vasableyjur frá Alva Baby með einu bambus innleggi
• Þægilegar og einfaldar vasableyjur með Athletic Wicking Jersey (AWJ) innra lagi sem heldur húð barnsins þurrri. Vasableyjurnar frá Alva Baby eru elskaðar af taubleyjuforeldrum á Íslandi og um heim allan vegna þess að þær eru frábærlega sniðnar, eru ótrúlega endingagóðar og mjög hagkvæmar. 
• Henta börnum frá 3,5–15 kg.

2x vasableyjur frá Little Lamb

• Endingargóðar vasableyjur með tveimur bambusinnleggjum hvor sem veita frábæra rakadrægni. Ótrúlega liprar og rúmar bleyjur sem ekkert taubleyjuforeldri ætti ekki að þekkja.
• Passa börnum frá 4–16 kg

1x Einnota renningar úr lífrænu lífplasti

• Mjúkir og umhverfisvænir renningar sem grípa kúk en hleypa þvaginu í gegn. Algjör nauðsyn fyrir alla sem nota taubleyjur.

2x Hemp bústerar – 2 lög

• Einstaklega þunnir og rakadrægir hemp bústerar sem þú getur brotið saman eða lagt flatt undir eða utan um annað innlegg til að auka við rakadrægnina. Tilvalið fyrir langa lúra eða í ferðalög.

1x Cocobutts tveggja hólfa blautpoki í miðlungsstærð

• Vatnsheldur blautpoki með tveimur hólfum til að geyma hreinar og notaðar bleyjur aðskildar. Fullkominn fyrir daglega notkun eða í ferðalög.

Af hverju að velja Grunnpakka Cocobutts?

Dagleg notkun: Þessi pakki inniheldur allt sem þú þarft fyrir einn dag af fjölnota bleyjunotkun.

Einfalt og hagkvæmt: Fullkomið fyrir byrjendur sem vilja prófa taubleyjur án þess að flækja hlutina.

Vinsælustu bleyjurnar: Þú færð blöndu af vinsælum vasableyjum frá Alva Baby og Little Lamb sem eru bæði þægilegar og áreiðanlegar.

Skipulag og þægindi: Tveggja hólfa blautpokinn gerir geymslu og umhirðu bleyjanna einfaldari.

Umhverfisvænt og hagkvæmt: Hver taubleyja forðar um 700 einnota bleyjum úr urðun og sparar þér um 30.000 krónur í peningum.

Lykileiginleikar:

Einföld notkun: Vasableyjur með stillanlegri hönnun sem vaxa með barninu.

Rakadrægni: Hágæða innlegg og bústerar sem tryggja að barnið sér þurrt og líði vel.

Hentug lausn: Fullkomið fyrir daglega notkun heima eða á ferðinni.

Grunnpakki Cocobutts er frábær leið til að hefja fjölnota lífsstíl og tryggja umhverfisvænni framtíð – einn dag í einu! 🌿

Að byrja koppaþjálfun er stórt skref í lífi barnsins – og þjálfunarnærbuxur eru lykilatriði til að gera þetta ferli auðveldara og árangursríkara. Með koppaþjálfunarpakkanum getur þú valið 3 þjálfunarnærbuxur að eigin vali úr fjölbreyttu úrvali hágæða vara sem passa bæði þarfir barnsins og fjölskyldunnar. Cocobutts blautpoki með tvöföldu hólfi fylgir öllum koppaþjálfunarpökkum.

Af hverju þjálfunarnærbuxur? 

Þjálfunarnærbuxur hjálpa börnum að tengja vætu við líkamlegar þarfir sínar og auka sjálfstæði með því að gera þeim kleift að toga nærbuxurnar auðveldlega upp og niður. Þær veita á sama tíma smá vörn gegn slysum, svo fötin haldist þurr, án þess að trufla ferlið.

Veldu úr eftirfarandi valkostum:

Alva Baby One size – Fallegar nærbuxur með bambus innra lagi og vatnsheldu PUL ytra lagi. Þær henta börnum frá 10–16 kg og eru tilvaldar fyrir fyrstu skrefin í koppaþjálfun.

Alva baby 2T og 3T - Fallegar nærbuxur með bómull sem innra og ytra lag og PUL sem milli lag. Þessar eru fullkomnar fyrir þá sem vilja sjá þegar slys hafa orðið því þær blotna meðfram lærum barnsins án þess að allt annað rennblotni.

Bare and Boho – Lífrænar bómullarnærbuxur með smellum fyrir auðveldari notkun. Henta vel fyrir börn á bilinu 15–20 kg.

Little Lamb – Rakadrægar nærbuxur úr hampi og bómull, með fjölbreyttum stærðum allt upp í 28 kg. Fullkomnar fyrir löngu bíltúra eða lúra þegar þú vilt tryggja að fötin haldist þurr.

Pakkinn inniheldur einnig:

1x Miðlungs Cocobutts blautpoki með tveimur hólfum – Fullkominn fyrir koppaþjálfunina, með tveimur aðskildum hólfum til að geyma bæði hrein og skítug föt. Fullkomið fyrir leikskólann eða í ferðalögin! Pokinn nýtist einnig áfram sem t.d. sundpoki eða bara undir hvað sem er sem þú myndir annars nota plastpoka fyrir.

Af hverju að velja fjölnota lausn í stað einnota í koppaþjálfun?

Eykur skynvitund barnsins og flýtir fyrir árangri í koppaþjálfun.

Umhverfisvæn lausn sem minnkar sóun.

Hagkvæmari kostur sem sparar þér peninga til lengri tíma.

Veldu fjölnota – fyrir barnið þitt, budduna og jörðina!

Hafðu það notalegt og passaðu upp á heilsuna á meðan blæðingarnar eru í gangi með Náttúrulega tíðapakkanum okkar nú á sérstöku tilboði, á 20% afslætti úr nóvember.

Pakkinn inniheldur:

1-3x tíðanærbuxur frá Elskbar að eigin vali 

• Einstaklega mjúkar, vatnsheldar og gríðarlega rakadrægar tíða- og lekanærbuxur sem láta þér líða vel allan daginn eða nóttina. Fullkomnar fyrir daglega notkun, léttar blæðingar eða sem viðbótarvörn við tíðabikar. Henta einnig fyrir þvagleka og útferð.

1-5x Fjölnota tíðabindi að eigin vali á 15% afslætti

• Náttúruleg, mjúk og rakadræg bindi sem henta vel fyrir blæðingar og þvagleka. Þú velur rakadrægnina og fær 15% afslátt þegar þú tekur tíðanærbuxur með.

KAUPAUKI
1x Lítill Cocobutts blautpoki  – Fullkominn til að geyma fjölnota bindi á ferðinni. Þægilegur og vatnsheldur til að einfalda daginn þinn.

Af hverju fjölnota vörur?

• Þægileg, mjúk og hönnuð með heilbrigði í huga.
• Minni sóun og minni urðun einnota tíðavara, sem stuðlar að hreinni jörð.
• Umhverfisvæn hönnun úr hágæða náttúrulegum efnum sem anda vel og bjóða upp á einstaka vellíðan.

Skapaðu þér þægilegt og sjálfbært líf með Náttúrulega tíðapakkanum – Cocobutts blautpokinn fylgir með!

Alva baby er þekkt fyrir að bjóða upp gríðarlega öflugar og góðar taubleyjur á frábæru verði. Ekki skemmir hvað þær eru litríkar og einfaldar í notkun!

Afhverju næturbleyjur?
Börn eru yfirleitt lengur í næturbleyjunum, eða hátt upp í 12 tíma. Fæstar dagbleyjur eru með slíka rakadrægni. Því mælum við með að eiga góð næturkerfi  sem eru alltaf tilbúnar í slaginn fyrir næturvaktina. Enginn höfuðverkur og ekkert vesen um miðja nótt!

Nánari lýsing

Fitted bleyja frá Alva baby með AWJ innra lagi

Fitted bleyjurnar frá Alva baby eru einstaklega rakadrægar og henta sem næturbleyjur. Ef þær duga ekki til einar og sér þá er ekkert mál að setja búster í vasann á bleyjunni. Við mælum með Súper soker hemp/bómullar búster frá Little Lamb. 

Inní bleyjunni er í-saumaður 3ja laga bambus innlegg sem er mjög rakadrægt og hentar því ofurpissurum vel. Bleyjan er með AWJ innra lagi sem að hentar vel börnum með viðkvæma húð.

Bleyjan er með „ruffled“ teygjum utan um lærin sem gera það að verkum að hún hentar vel læragóðum sem og smágerðum börnum. "Ruffled" teygjur halda kúkasprengjum í skefjum líka.

Snap-in Ai2 skel frá Alva baby

Skelin er mjög vegleg, en hægt er að nota skelina bæði yfir fitted bleyjuna, preflats eða setja innlegg inn fyrir panelinn. Á skelinni er smella sem hin sívinsælu Bare and Boho innlegg passa í líka. Þannig getur þú notað skelina áfram á daginn líka.

Efni

Fitted bleyja
80% bambus
20% polyester

Skel
Ytra lag: polyester vatnsheldu og TPU sem andar.
Innra lag: Vatnshelt TPU sem andar. Hægt að nota með fitted bleyju, prefolds eða innleggjum. 

Myndband

Um merkið

Einfaldar og hagkvæmar vörur sem hafa allt sem þú mögulega þarft til þess að leiða farsælt taubleyjulíf. Vinsælustu vörurnar frá Alva baby eru vasableyjurnar og bambus innleggin. Alva Baby er kínverskt merki og eru vörurnar saumaðar þar. 

Fullkominn fyrir fyrstu skrefin með taubleyjur!

Prufupakki Cocobutts er hannaður fyrir þau sem vilja prófa sig áfram með fjölnota taubleyjur. Pakkinn inniheldur öll þrjú taubleyjukerfin og nauðsynlegan blautpoka, sem veita þér tækifæri til að finna hvað hentar best fyrir þig og barnið þitt.

Pakkinn inniheldur:

1x Bare and Boho AI2 Flexi Cover með þremur smellanlegum bambusinnleggjum

• Sveigjanleg og hagnýt skel með OEKO-TEX vottuðum bambusinnleggjunum sem veita mikla rakadrægni.
• Innleggin smella í skelina og eru auðveld í notkun, með hliðarvörn gegn leka og kúptum hönnunarstillingum sem fylgja líkama barnsins. Þú getur skipt bara um innleggið en notað sömu skelina í 2-3 í röð.
• Hentar börnum frá 4-18kg stillanlegri hönnun sem vex með barninu.

1x Little Lamb vasableyja með bambusinnleggjum

• Endingargóð vasableyja sem inniheldur tvö bambusinnlegg, frábær fyrir bæði dagsnotkun og hvíldartíma.
• Hentar börnum frá 4–16 kg með stillanlegri stærð og mjúku innra lagi úr flísefni sem heldur húð barnsins þurrri.

1x AIO bleyja frá La Petite Ourse með vasa og auka búster

• Rakadræg All-In-One bleyja með vasa fyrir auka rakadrægni eða lengri notkunartíma.
• Inniheldur saumað innlegg úr bambus og microfiber ásamt auka búster sem smellist ofan á bleyjuna til að tryggja hámarks rakadrægni.
• Hentar börnum frá 4,5–15 kg með stillanlegri hönnun sem vex með barninu.

1x Cocobutts tveggja hólfa blautpoki fylgir fritt með

• Vatnsheldur poki með tveimur hólfum til að geyma hreinar og notaðar bleyjur aðskildar.
• Fullkominn í ferðalög, daglega notkun eða til að halda skipulagi við bleyjunotkun.

Af hverju að velja Prufupakka Cocobutts?

Kynntu þér fjölbreytt úrval: Þrjár mismunandi tegundir af taubleyjum veita þér tækifæri til að prófa ólíkar lausnir og finna hvað hentar best.

Einfalt og þægilegt: Pakkinn inniheldur allt sem þú þarft til að byrja, þar með talið hagnýtan tveggja hólfa blautpoka.

Umhverfisvænt val: Hver taubleyja forðar um 700 einnota bleyjum úr urðun og sparar þér um 30.000 krónur í peningum.

Sveigjanleiki: Með þessum pakka færðu að kynnast mismunandi taubleyjukerfum en færð allt að fimm bleyjuskipti.

Lykileiginleikar:

AI2 Flexi Cover: Með snjöllum innleggjakerfum og lekavörn fyrir hámarks virkni.

Vasableyjur: Einföld lausn sem býður upp á auka stillingar með bambusinnleggjum.

AIO bleyjur: Þægilegar og fjölnota bleyjur með rakadrægu saumuðu innleggi og vasa fyrir meiri sveigjanleika.

Cocobutts Blautpoki: Heldur skipulaginu og gerir daglega notkun þægilegri.

Prufupakki Cocobutts er fullkomin leið til að byrja með fjölnota bleyjur – skref í átt að þægilegri, umhverfisvænni og hagkvæmari lífsstíl!

Allt sem þú þarft til að byrja með taubleyjur!

Startpakki Cocobutts er hannaður til að gera upphafið með taubleyjur auðvelt, hagkvæmt og skemmtilegt. Pakkinn inniheldur úrval vinsælustu vasableyjanna ásamt nauðsynlegum fylgihlutum fyrir fjölnota lífsstílinn – þar á meðal tvo blautpoka sem auðvelda geymslu og umhirðu.

Pakkinn inniheldur:

• 8x AWJ vasableyjur frá Alva Baby með bambus innleggi
  Fjölhæfar og hagkvæmar vasableyjur með Athletic Wicking Jersey (AWJ) innra lagi sem heldur viðkvæmri húð barnsins þurri.
• Passa börnum frá 3,5–15 kg með stillanlegri one-size hönnun.
  

2x Lúxus vasableyjur frá Poppets Baby með tveimur súper innleggjum

• Nettar og mjúkar bleyjur með flís innra lagi
•  Tvö innlegg: eitt úr bambus og lífrænni bómull, og annað úr hampblöndu. 
• Opnar í báða enda fyrir þægilega innsetningu og fjarlægingu innleggs.
  
• Passa börnum frá 3,5kg - 16kg

2x vasableyjur frá Little Lamb með tveimur bambus innleggjum

• Endingargóðar bleyjur með tveimur bambusinnleggjum og flís innra lagi
• Framleiddar úr endurunnum plastefnum með OEKO-TEX vottun. 
• Henta börnum frá 4–16 kg.
  

1x XL blautpoki – Pail Liner með rennilás á botni

• Stór, vatnsheldur og lyktarheldur poki með rennilás á botni fyrir sem auðveldar þér taubleyjuþvottinn til muna. 
• Hentar fullkomlega til að geyma bleyjur fyrir þvott.
  

1x Einnota renningar úr lífrænu lífplasti

• Mjúkir og umhverfisvænir renningar sem grípa kúk en hleypa þvagi í gegn. Algjör leikbreytir í taubleyjulífinu!
  

4x Bambus bústerar frá Alva Baby

• Frábærir bústerar sem auka rakadrægnina í bleyjunum fyrir löngu lúrana eða ferðalögin.

1x Stór Cocobutts tveggja hólfa blautpoki

• Fullkominn fyrir daglega notkun – geymir hreinar og notaðar bleyjur í aðskildum hólfum. Fullkomið fyrir ferðalög eða dagvistun.

Af hverju að velja Startpakka Cocobutts?

Vinsælustu bleyjurnar: Vasableyjur sem eru uppáhalds meðal Cocobutts viðskiptavina og okkar sjálfra.

Fullkomið fyrir byrjendur: Inniheldur allt sem þú þarft til að byrja á fjölnota ferðalaginu.

Umhverfisvænt og hagkvæmt: Hver taubleyja forðar um 700 einnota bleyjum úr urðun og sparar þér um 30.000 krónur í peningum.

Þægilegt og vel skipulagt: Með tveimur mismunandi blautpokum er auðvelt að halda skipulagi og sjá um notaðar bleyjur.

Lykileiginleikar:

Einföld notkun: Settu innlegg í vasa og bleyjan er tilbúin.

Sveigjanleiki: Bústerar og innlegg fyrir mismunandi þarfir.

Skipulag: Aðskildar lausnir fyrir daglega notkun og geymslu fyrir þvott.

Tryggðu þér Startpakka Cocobutts í dag og njóttu alls þess besta sem fjölnota lífsstíllinn hefur upp á að bjóða! 🌿

Persónulegur næturpakki - sérsniðinn að þínu barni!

Við vitum hversu mikilvægt það er að tryggja góðan nætursvefn fyrir litla ofurpissara og höfum því sett saman þetta sérsniðna kerfi fyrir þig. Ullarnæturpakkinn er að okkar mati rakadrægasta næturkerfi sem völ er á, hvort sem þú ert með ofurpissara eða barnið þitt er einfaldlega í leit að þægilegri næturlausn! Nú getur þú sett saman þinn eigin pakka með valmöguleikum sem henta best þér og barninu þínu.

Af hverju ull og fitted bleyjur?

Ull er frábært efni fyrir næturbleyjur, þar sem hún býður upp á einstakt loftflæði, viðheldur réttu hitastigi og dregur í sig raka án þess að leka. Í ullarbuxum með fitted bleyjum fær barnið þitt þægindi og þurrk í allt að 12 klukkustundir, sem er algjört lykilatriði fyrir góðan nætursvefn.

Svona virkar pakkinn:

1. Veldu ullarbuxur
   Byrjaðu á að velja ullarbuxur frá Disana í þeirri stærð sem barnið þitt er í eða er að fara að vaxa í. Stærð fyrir ofan núverandi hentar vel og dugar lengur. Þú getur einnig valið litinn sem þú vilt, eða við veljum fallegan lit fyrir þig ef ekkert er tekið fram.
   
   
2. Veldu 2-4 fitted bleyjur
   Þú getur valið blöndu af AWJ næturbleyjum frá Alva Baby og frá Little Lamb. Hvort sem þú kýst gráan eða hvítan saum frá Alva Baby eða bambus bleyjurnar frá Little Lamb, þá er auðvelt að sérsníða pakkann þinn.
   
   
3. Viðbót: Umhirða fyrir ull
   Til að tryggja að ullarbuxurnar haldi sínum eiginleikum sem best, getur þú bætt við ullarumhirðuvörum með 20% afslætti. Þú þarft ekki að velja á milli þeirra – þú getur bætt öllum þessum vörum í pakkann ef þú vilt! Vörurnar eru:

• Lanólín
• Lanólínmolar
• Viðhaldssprey fyrir ull
• Sápustykki fyrir ull
  
  Þessar vörur eru ómissandi fyrir alla sem nota ullartau og gera viðhald þeirra einfalt og áhrifaríkt.
  

Nánar um vörurnar í pakkanum:

Ullarbuxur frá Disana
Þessar pull-up ullarbuxur úr 100% lífrænni merino ull bjóða upp á fullkomna vatnshelda „skel“ yfir bleyjusvæði barnsins. Þær eru teygjanlegar, anda vel og halda hita jafnvel þegar þær blotna.

AWJ Fitted næturbleyjur frá Alva Baby
Bleyjur með innsaumuðum 3ja laga bambusinnleggjum sem eru mjög rakadræg og henta sérstaklega vel ofurpissurum. Þær eru stay-dry, svo barnið þitt finnur ekki fyrir vætu næst húðinni.

Fitted bleyjur frá Little Lamb
Rakadrægar bambus/viscose bleyjur sem bjóða upp á valmöguleika fyrir meiri þurrk og lengri notkunartíma.

Ullin – Náttúruleg snilld
Ull hrindir frá sér bakteríum og þarf sjaldan að þvo. Hún dregur í sig raka án þess að leka og tryggir að börn hvorki svitni né verði köld, jafnvel þótt bleyjan sé blaut.

Hámarkaðu svefninn – Þægilegt fyrir barnið, auðvelt fyrir þig!

Þessi pakki er allt sem þú þarft til að annast litla bossann á sjálfbæran og náttúrulegan hátt. Þú veldur a.m.k. tvo pakka af fjölnota þurrkum að eigin vali og færð aukahlutina með sérafslætti – allt í hæsta gæðaflokki. Með öllum þurrkupökkum fylgir frír Cocobutts blautpoki með einu hólfi. 

Þú velur að mestu í pakkann þin:

Veldu a.m.k. 2 pakka af fjölnota þurrkum að eigin vali

• Við mælum persónulega með Poppets!

Veldu a.m.k einn aukahlut að eigin vali til að fullkomna fjölnota þurrkupakkann þinn.

• Lífrænt blautþurrkubox (Grande) – Stílhrein, vatnsheld box sem rúmar um 10 þurrkur (poco) eða 20 óbrotnar þurrkur (grande). Boxið má fara í uppþvottavél, frysti og örbylgjuofn – og nýtist einnig sem margnota geymslulausn eftir tímabil þurrkunotkunar.
• Næringarmolar fyrir fjölnota þurrkur frá Poppets – Bleyttu þurrkurnar með þessum náttúrulegu molum sem innihalda shea smjör og kókosolíu. Molarnir bæta rakadrægni þurrknanna og næra húð barnsins, allt án auka- eða eiturefna.
• Eiturefnalaust barnapúður (100 gr) – Silkimjúkt púður sem dregur í sig umfram raka, verndar og græðir viðkvæma húð barnsins. Framleitt úr 100% náttúrulegum efnum án ilmefna eða talkúms. Fullkomið við bleyjuskipti, eftir bað eða til að takast á við raka á heitum dögum.
• Lítill Cocobutts blautpoki fylgir frítt með! – Þægilegur og vatnsheldur poki fyrir fjölnota þurrkur eða aðra hluti á ferðinni.

Af hverju velja þennan pakka?

• Sjálfbært og umhverfisvænt – Minnkar sóun og stuðlar að sjálfbærum lífsstíl.
• Mjúkar og náttúrulegar lausnir – Fyrir viðkvæma húð barnsins án skaðlegra aukaefna.
• Hagkvæmur og fjölnota – Sparar peninga og býður upp á fjölbreytta notkun.

Veldu náttúrulega umhyggju – fyrir barnið þitt, budduna og jörðina!